Durangaldeko eta Lea-Artibaiko eskualdeetako nekezaritza-enpresetan ez dago behar besteko belaunaldi erreleborik. Egoera horri oraintxe erantzuten ez badiogu, 10 urteren buruan, nekazaritza-ustiategien % 40 desagertuko da.
Gaur egungo egoera irauli nahi badugu nekazaritza jasangarria sustatu behar dugu, tokiko ekoizpena eta ekoizpen ekologikoa areagotuz. Horrela, kontsumitzaileen eskari gero eta handiagoa asetuko dugu, behar beste elikagai bermatuz.
Nekazaritza sektorean pertsona berriak sartu eta lanean hasi daitezen errazteko laguntza. Aldi baterako jarduera erraztuko dizugu (gehienez 3 urte) baratze ekologikoan trebatzeko lursail bat, laguntza integrala eta legezko estaldura eskainiz.
Zer eskatzen den:
Baratzegintza ekologikoari buruzko prestakuntza: gutxieneko gaitasunak.
Zer baloratuko den:
· Esperientzia baratzegintza ekologikoan: gutxieneko gaitasunak
· Enpresa plana idatzita edukitzea
· Egoitza eskualdean izatea
· 2 pertsonako proiektu kolektiboa
· Nekazari gaztea, 35 urte baino gutxiago.
· Emakume ekintzailea
Durangaldea eta Lea-Artibai eskualdeetako nekazaritzako trebakuntza guneen programa da
Lehen sektorean lan egin nahi duten ekintzaileek euren enpresa-proiektua modu mailakatuan
eta indibidualean martxan jartzeko laguntza- zerbitzua. Azken helburua ustiategietan belaunaldi erreleboa ziurtatu eta baserritar gazteek bertan lanean jarraitzea da.
70.000 eurora arteko diru-laguntzak.
Zer eskatzen den:
· Baserritar gaztea izatea, 18tik 41 urtera bitartean.
· Ustiategi baten titulartasuna lortzeko aukera (24 hilabete aurretik).
· Enpresa-plana, GAZTENEK-ek onartuta.
Instituzioarteko Plana, Eusko Jaurlaritzak garatua Araba, Gipuzkoa eta Bizkaiko Foru Aldundiekin elkarlanean.
